Hin svonefnda Eyjaálfa að Ástralíu meðtalinni nær yfir 8.821.000 km² þurrlendis.  Þetta nafn hefur mismunandi merkingar í hugum fólks.  Sumir láta það ná yfir allar eyjar Kyrrahafsins en aðrir nota það í mismunandi þrengri merkingu.

Hvað sem því líður hefur Eyjaálfu oft verið skipt í fjögur aðalsvæði, Ástralasíu (Ástralía og Nýja-Sjáland), Melanesíu, Míkrónesíu og Pólýnesíu.  Fyrir u.þ.b. 33.000 árum bjó ekkert fólk þar, nema í Ástralasíu. Íbúafjöldi Eyjaálfu að frátalinni Ástralíu var u.þ.b. 9,4 milljónir árið 1990 og 26,5 milljónir, sé Ástralía meðtalin.
.