MacQUARIE-EYJA er u.þ.b. 1450 km suðaustan Tasmaníu (Ástralíu).  Hún, ásamt smáeyjum, myndar heimskautshluta Tasmaníu.  Þetta er eldfjallaeyja (123 km²) og meðalhæð hennar er 240 m yfir sjó.  Hún er 34 km löng og 3 km breið og fyrir ströndum hennar eru margir klettahólmar og sker.  Ávalar hæðir rísa í 365-425 m.y.s. og bratt er niður á ströndina.  Hlíðarnar og strandlengjan eru gróðri vaxnar, en eyjar er með öllu trjálaus, og á henni eru nokkur jökullón.  Frederick Hasselburg, ástralskur selveiðimaður, kom auga á eyjuna árið 1810.  Hann nefndi hana eftir Lachlan macquarie, sem var þá landstjóri Nýja Suður-Wales.  Veður- og jarðfræðistöð hefur verið á eyjunni síðan 1948.  Eyjan var friðlýst árið 1933 og þar er eini kunni varpstaður kóngamörgæsa og þar eru mörg látur loðsela.  Þeim hafði næstum verið útrýmt á eftir 1830.

Eyjan er á heimsminjaskrá og á henni eru stöðvar náttúruvísindamanna.