Ástralía er minnsta heimsálfan en eitt af stærstu þjóðlöndum í heimi.  Hún hefur verið kölluð „elzta meginlandið”, „síðasta landið” eða „síðustu landamærin”.  Þótt hún hafi verið kölluð elzt, eru öll meginlöndin á svipuðu aldri jarðsögulega séð.  Vissulega er landið meðal hinna síðustu, sem Evrópubúar uppgötvuðu og u.þ.b. 40.000 árum áður komu fyrstu frumbyggjarnir frá Asíu. Þeir dreifðust um allt landið og Tasmaníu næstu 20.000 árin.

Þegar Arthur Phillip, skipstjóri hans hátignar, kom að landi í Botanyfirði 1788, var íbúafjöldi landsins milli 250 og 500 þúsund.  Frumbyggjarnir voru hirðingjar og safnarar, sem höfðu breytt landslaginu talsvert, aðallega með eldi.  Þeir höfðu jafnvel komið sér upp byggðum á hentugum stöðum, sem þeir voru farnir að dvelja í mun lengur en almennt var talið.  Núverandi íbúar deila þessu risalandi ekki með öðrum þjóðum, líkt og í öðrum heimsálfum.
.