Fremantle er borg í Vestur-Ástralíu við Indlandshaf við ósa Swanárinnar.  Hún er hluti af Stór-Perth-svæðinu og aðalhafnarborg fylkisins.  Höfnin stór og veigamikil miðstöð á siglingaleiðum milli Ástralíu, Suður-Afríku og Evrópu.  Stærstu iðnfyrirtækin eru skipasmíðastöðvar, stálver, húsgagnaverksmiðjur, hveiti- og sögunarmyllur, sápuverksmiðjur og brugghús.

Helztu útflutningsvörur eru timbur, hveiti, ull og ávextir.  Borgin var stofnuð árið 1829, skömmu eftir að Charles Fremantle, skiptstjóri, kom á skipinu Challenger, og í fyrstu var þar mikilvæg vinnsla hvalaafurða.  Hún er meðal elztu bæja landsins og þar er fjöldi velvarðveittra minja frá nýlendutímanum, s.s. Sjóminjasafnið (1852) og Listasafn Fremantle, sem fangar byggðu sem geðsjúkrahús á sjöunda áratugi 19. aldar.  Árið 1987 var Ameríska siglingakeppnin haldin úti fyrir borginni.  Áætlaður íbúafjöldi 1991 var tæplega 24 þúsund.