Kergueleneyjar
er eldfjallaeyjaklasi u.þ.b. 300 eyja í Suður-Indlandshafi.
Heildarflatarmál hans er tæplega 7000 km². Eina mikilvæga eyjan er Kerguelen, sem er bæði klettótt
og hálend (Ross-fjall 1850m). Hún
er 163 km löng og 127 km breið og mjög vogskorin, þannig að enginn
staður á henni er meira en 19 km frá sjó.
Fuglalíf er mikið, mörgæsir og aðrir sjófuglar aðallega.
Engin önnur dýr lifa á eyjunni.
Náttúruleg flóra eyjarinnar er ævagömul að uppruna og verður líklega helzt rakin til Suður-Ameríku fremur en til Afríku, þótt hún
sé mun nær.
Landkönnuðir
á eyjunum mátu kerguelen-kálið mikils, því það er ríkt af c-vítamíni
og hjálpaði þeim að verjast skyrbjúgi.
Franski sæfarinn Yves Joseph de Kerguélen-Trémarec fann eyjuna
1772. Brezki landkönnuðurinn
og skipstjórinn, James Cook, kom þangað 1776 og skírði eyjuna Ömruey.
Frakkar slógu eign sinni á Kerguelen 1893 og komu þar upp
frambúðarrannsóknarstöð og einu íbúarnir eru starfsmenn hennar. |