Kóraleyjan Kwajalein er í Vestur-Kyrrahafi, u.þ.b. 3.470 km suðvestan Hawaii og 2.310 km austan Guam.  Þar er herstöðin USAKA (United States Army Kwajalein Atoll) með nálægt 2000 manna starfsliði og fjölskyldum þess.  Þetta fólk býr á Kwajalein og Roi-Namur.  Í forsetatíð Ronalds Reagans fóru þar fram tilraunir með varnarflaugar gegn kjarnorkuárásum.  Þar er Bucholz herflugvöllurinn, sem veitir bæði her- og almennu flugi þjónustu.  Flugstjórn er í höndum FAA og við hana starfa bandarískir flugumferðarstjórar.  Kwajalein er hluti Lýðveldisins Marshalleyja.