PITCAIRNEYJA í Miðsuður-Kyrrahafi, u.þ.b. miðleiðis milli Ástralíu og Suður-Ameríku.  Flatarmál hennar er 5 km².  Hún er aðaleyja eyjaklasa, sem er undir yfirráðum Breta.  Þarnar eru líka óbyggðu eyjarnar Henderson, Ducie og Oeno.  Heildarflatarmál eyjaklasans er 47 km².  Þetta eru eldfjallaeyjar með þverhníptum sjávarhömrum (blágrýti).  Jarðvegurinn er frjósamur en engar ár eða læki er að finna.  Þarna eru ræktaðar appelsínur og bananar og annar jarðargróður í jaðartrópísku loftslagi.  Adamstown er eini bærinn á eyjunni í grennd við Bounty-fjörð.

Pitcairneyja fannst árið1767, þegar brezki liðsforinginn Philip Carteret var á ferðinni og nefndi hana eftir sjóliðanum, sem sá hana fyrstur.  Eyjan var óbyggð til 1790, þegar uppreisnarmenn af HMS Bounty með konum og körlum frá Tahiti settust þar að.  Byggð þessa fólks fannst ekki fyrr en 1808, þegar bandarískir hvalveiðarar heimsóttu eyjuna.  Þá var einungis helmingur brezku sjómannanna enn á lífi.  Árið 1856 voru 200 íbúanna fluttir frá eyjunni til Norfolkeyju vegna þrengsla en margir þeirra snéru til baka síðar.  Árið 1957 fannst flakið af Bounty á suðurenda eyjarinnar.  Árið 1970 var landstjóra Breta á Nýja-Sjálandi falin stjórn eyjarinnar.  Árið 1991 var Íbúafjöldinn 61.