Bougainville er nokkuð stór eyja (8370 km²) í Papúa Nýju-Gíneu.  Hún er stærst Salómonseyja og ásamt Bukaeyju myndar hún héraðið Norður-Salómonseyjar.  Eyjan er fjöllótt og skógi vaxin og hæsti punktur hennar er eldfjallið Balbi (3110m).  Stærsti bær hennar er Arawa (14.900 íb. 1984).  Íbúafjöldi héraðsins 1990 var 159.500.  Um aðalhöfnina í Kieta er mikið flutt út af kakói, kókoskjörnum og kopar.

Franski landkönnuðurinn Louis Antoine de Bougainville kannaði eyjuna 1768 og var nefnd eftir honum síðar.  Þjóðverjar og síðar Ástralar réðu þar ríkjum.  Japanar hersátu hana frá því í marz 1942 til febrúar 1943.  Árið 1947 tóku Ástralar við henni sem verndarsvæði Sameinuðu þjóðanna.  Árið 1975 varð hún hluti hins sjálfstæða ríkis Papúa Nýja-Gínea.

Mynd:  Bagana-eldfjallið.