Marokkó er ríki í Norður-Afríku norðvestanverðri handan Njörvasunds, 710.850 km² að flatarmáli að Vestur-Sahara meðtöldu (252.120 km²).  Handan landamæranna í austri og suðaustri er Alsír, Vestur-Sahara í suðri, Atlantshafið í vestri og Miðjarðarhaf í norðri.

Casablanca er stærsta borgin, aðalhafnarborgin og miðstöð verzlunar og iðnaðar.  Rabat, höfuðborgin, er næststærst.  Hafnleysan með ströndum fram og torfært fjalllendið innanlands hefur verið vörn landsmanna í aldanna rás og fáir hafa reynt innrásir í landið þar til á 20. öldinni.  Þarna óx upp stolt þjóð með siði sína og venjur, sem eru blanda áhrifa frá berbum, aröbum, íberum og Afríkumönnum.  Frönsk og spænsk áhrif blönduðust þessari deiglu á nýlenduárunum 1912-56.
.