Salé er hafnarborg í suðvesturhluta Marokkó við mynni Bou Regreg-árinnar við strönd Atlantshafs.  Hún er beint andspænis höfuðborginni Rabat og er tengd henni með brú, sem var opnuð árið 1957.  í borginni eru hveitimyllur, gólfteppavefnaður, niðursuða fisks, korkvinnsla og leirmunagerð.  Söguleg minnismerki:  Gömlu borgarmúrarnir og hlið þeirra, trúarlegir helgidómar, Moskan mikla (12. öld) og Medersa, sem er skóli frá 1333.  Berbar stofnuðu borgina á 11. öld og hún óx og dafnaði á dögum Merinid-höfðingjaættarinnar á 13. öld.  Í kringum árið 1630 varð hún að hálfsjálfstæðu sjóræningjalýðveldi, aðsetur Salle-sjóræningjanna.  Áætlaður íbúafjöldi árið 1982 var tæplega 300 þúsund.