Kalifornía er 411.013 km².  Fjölmennasta ríkið með rúmlega 30 milljónir íbúa 1997 (8% negrar).

Nafnið er komið úr frásögn (1542) spænska rithöfundarins (1510) Garcia Ordónez de Montalvo, „The Exploits of Esplandián”, þar sem lýst er ævintýraeyjunni Kalíforníu.  Sagnfræðing-urinn Edward Everett Hale komst að þessari niðurstöðu, þegar hann var að leita að rótum þess. Nafnið „Gullna ríkið” er dregið af gula valmúanum og gullinu, sem fannst í Kalíforníu.  Valmúinn á myndinni er fylkisblómið.

Mount Whitney, 4.418 m, er hæst fjalla BNA utan Alaska.  Death Valley liggur lægst 86 m undir sjávarmáli.  Höfuðborgin er Sacramento (380þ).  Aðrar stórar borgir eru:  Los Angeles (3,6 millj.), San Diego (1,2 millj.), San Francisco (750þ), San José (800þ), Long Beach (450þ), Oakland (400þ).  Kalifornía gekk í ríkjasambandið 1850 sem 31. ríkið.

Það er hægt að finna flestar gerðir loftslags, landslags, gróðurs og dýralífs, sem ríkir annars staðar í BNA í Kalíforníu, „Gullna ríkinu”.  Þetta þriðja stærsta ríki BNA er 1.351 km langt meðfram Kyrrahafsströndinni, sem er bæði klettótt og sendin á víxl.  Inn til landsins, handan skógivaxinna strandfjallanna, eru grænir dalir og þurrar eyðimerkur.  Meðfram austurlandamærunum gnæfa Snjófjöllin (Sierra Nevada) hátt yfir skógarlínu.  Milli fjallanna eru fögur skógasvæði, þar sem hæstu og elztu tré jarðar gróa.  Undir yfirborðinu eru víða verðmætir málmar.  Frumbyggjarnir settust að til að leita að góðmálmum, sem uppgötvuðust um miðja nítjándu öld.  Fleiri auðlindir, s.s. olía og timbur auk frjósams ræktarlands er þar líka að finna.
.