San Francisco í Kaliforníu er í 0-282 m hæð yfir sjó.  Íbúafjöldinn er u.þ.b. 750.000 (13% negrar, 21% Ítalar, 10% kínverjar, 4% Þjóðverjar, 3% Englendingar og Írar, 2% Japanar, 1% gyðingar og fjöldi Mexíkana).  Með útborgum er íbúafjöldinn a.m.k. 3 milljónir.

San Francisco er þriðja stærsta borg Kaliforníu og stærsta hafnarborg á vesturströnd BNA og Norður-Ameríku (Asíuviðskipti).  Borgin er á 37°47'N líkt og Palermo á Ítalíu.  Borgin er á 48 km löngum skaga (10 km breiðum) við Kyrrahaf og San Francisco-flóa.  Þarna er einhver bezta náttúruhöfn heims.  Gullna hliðið er u.þ.b. 1,5 km breitt og dýpst 116 m.  Milt sjávarloftslag og mikið sólskin.  Sjávarböð eru ekki með öllu hættulaus vegna sterkra norðanstrauma, sem flytja kaldan sjó suður á bóginn.  Meðallofthiti er 7°C-24°C.  Úrkoma er lítil, einkum á veturna.  Snjór á láglendi er hér um bil óþekkt fyrirbæri.  Þokusamt er á sumrin með ströndum fram.  Síðdegis ríkir svöl hafgola.

San Francisco stendur á San Andreas-hluta sprungukerfis , sem nær umhverfis Kyrrahafið (síðasti stórskjálfti 1906; margir smáskjálftar á hverjum degi).

Borgin er einn vinsælasti ferðamannastaður BNA vegna legu sinnar í fögru og hæðóttu landslagi og sögu sinnar.

Iðnaður:  Matvæli, rafeindaiðn., véla- og skipasmíði, efnaiðn., prentun og olíuhreinsun.

Frá 1821-1847 hét San Francisco „Yerba Buena”

Það er margt, sem laðar fólk að San Francisco, m.a. *lega borgarinnar, heimsborgarblær hennar og hve mjög hún minnir á liðna tíð (kapalbrautirnar).  Borgin státar ekki af gömlum eða nýjum, athyglisverðum byggingum, þannig að niðurstaðan verður framanritað.  San Francisco er einhver vinsælasta borg ferðamanna í heiminum og státar af flestum ferðamönnum allra borga í BNA.   Háhýsi eins og pýramídi „Trans America” byggingarinnar eða skýjakljúfur Ameríkubanka, stærsta banka BNA, ljá borginni nýjan og óvenjulegan blæ.  Í borginni eru þrír stórir háskólar, Katólski háskólinn (1855; 7.000 stúdentar), Ríkisháskólinn í Berkley (30.000 stúdentar) og Stanfordháskólinn í Palo Alto (12.000 stúdentar). Þeir gera borgina að mikilvægri miðstöð menntunar og rannsókna á ýmsum sviðum.