Anaheim er meðal vinsælustu ferðamannastaða í Suður-Kaliforníu og stærsta borgin í Oragnesýslu.  Hún er 32 km suðaustan Los Angeles.  Þar eru framleiddar rafvélar og elektrónísk tæki, samgöngutæki, málmstykki, plasthlutir, pappírsvörur og efnavörur.  Vinnsla sítrusávaxta og valhnetna er líka mikilvægur iðnaður.

Disneyland, skemmtigarðurinn frægi, laðar til sín milljónir gesta ár hvert.  Þar er líka brúðusafn og árlegar hrekkjavökur.  Ráðstefnumiðstöðin í Anaheim var fullbyggð árið 1967.  Leikvangurinn var opnaður 1966.  Þar ráða ríkjum hafnarboltaliðið California Angels og ruðningsliðið Los Angeles Rams.

Anaheim er þekkt sem móðurnýlenda Suður-Kaliforníu.  Þýzkir landnemar frá San Francisco stofnuðu hana 1857 sem tilraunaverkefni í samvinnubúskap.  Borgin var nefnd eftir Santa Anaánni, sem er í grenndinni og þaðan fæst vatn til áveitna.  Þýzka orðið „Heim” er síðari hluti nafnsins.

Upprunalega voru vínber til víngerðar aðaluppskera héraðsins.  Vínviðurinn visnaði og dó á níunda áratugi 19. aldar og allar tilraunir til að endurrækta hann mistókust.  Valencia appelsínur og aðrir sítrusávextir og valhnetur voru ræktaðar í staðinn.

Síðan á þriðja áratug 20. aldar hefur iðnvæðing aukizt.   Borgin var innlimuð 1870 og þar ræður ríkjum framkvæmdastjóri borgarráðs.  Fólksfjöldi 2004 var u.þ.b. 328.000.