Bahamaeyjar liggja norðaustan
og austan Stóru-Antilleyja. Þar
ríkir stjórnarskrárbundið einveldi í brezka samveldinu. Heildarflatarmál 13.935 km².
Íbúafjöldi 264.000 (1993).
Höfuðborg Nassau. Tungumál
enska. Nafn eyjanna er dregið
af spænska nafninu 'baja mar', sem þýðir grunnsævi.
Loftslag er þar mjög milt og Mið-Evrópubúar líta margir á
eyjarnar sem orlofsparadís. Þar
er að finna margar fámennar baðstrendur, góða aðstöðu til köfunar,
urmul kóralla- og fisktegunda, marga
möguleika til vatnaíþrótta, lúxushótel, orlofshús, spilavíti, smábátahafnir,
golf- og tennisvelli auk alls konar annara möguleika til afþreyingar í
sumarfríinu.
Um langan aldur voru
gestir eyjanna að mestu auðugt fólk, en eftir síðari heimsstyrjöldina
fór almenningur í Bandaríkjunum og Kanada að sækja þangað í auknum
mæli og uppbygging ferðamannastaða hófst til að taka við auknum fjölda.
Einkum var byggt upp á New Providence (Nassau) og á Grand Bahama
(Freeport/Lucaya).
Fjársterk fyrirtæki
hófu uppbyggingu ferðaþjónustu á
minni eyjum og nutu til þess skattafríðinda yfirvalda Bahamaeyja, sem
hlutu sjálfstæði frá Bretum árið 1973.
.
|