Grand Bahama Bahamaeyjar,


GRAND BAHAMA
BAHAMAEYJAR

.

.

Utanríkisrnt.

Booking.com

Flatarmál 1.372 km² og íbúafjöldi u.þ.b. 40.000.  Stjórnsýslusetur er Freeport.

Áætlunarflug frá Flórída (Miami og Ft. Lauderdale) og New York.  Leiguflug frá Atlanta, Tampa, West Palm Beach, Ft. Lauderdale og Miami til Freeport.

Ferðir á sjó:  Skemmtiferðaskip hafa reglulega viðkomu á leið sinni um Karíbahaf.  Þau koma flest frá Flórída (Miami), Nassau eða San Juan (Puerto Rico).  Reglulegar ferðir oft í viku frá Nassau og Miami.

Grand Bahama og nærliggjandi eyjar eru í 100 km fjarlægð frá ströndum Bandaríkjanna.  Flórídasund er á milli.  Uppbygging iðnaðar og ferðaþjónustu hófst ekki fyrr en að lokinni seinni heimsstyrjöldinni og nú er Grand Bahama í öðru sæti Bahamaeyja hvað efnahag snertir.  Eyjan er u.þ.b. 120 km löng og 25 km breið.  Enskir landnemar litu til hennar sem viðarforðabúrs vegna furutrjáa, sem þar vaxa.  Þar er fjöldi góðra baðstranda, víðáttumiklir fenjatrjáaskógar, einkum á norðurströndinni.  Hæsti hluti eyjarinnar liggur 21 m.y.s.

*FREEPORT / LUCAYA stendur við sjávarmál og þar búa u.þ.b. 35.000 manns.  Borgin er ört vaxandi og er önnur stærst í vestanverðu eyjaríkinu.  Hún stendur á suðurströnd Grand Bahama og var stofnuð að frumkvæði bandaríska fjármálamannsins Wallace Groves árið 1955.  Hún er mikilvægasta iðnaðarborg Bahamaeyja og blómlegur ferðamannastaður.
*El Casino er eitt stærsta spilavíti í hinum vestræna heimi.  Það stendur við Ranfurly Circus, sem er  helzti ferðamannastaður borgarinnar.  Spilavítið var reist á sjöunda áratugnum í stíl márahallar.

*Alþjóðlegi basarinn (md.-ld. 09:00-18:00) er við hliðina á spilavítinu.  Hann er stórt verzlunarhús með yfir 60 verzlunum og fjölda veitingastaða.  Þar fást ýmsar lúxusvörur á skikkanlegu  verði (elektrónísk tæki, svissnesk úr, frönsk ilmvötn, spænskar leðurvörur og silfurmunir, kólumbískir eðalsteinar, listmunir frá Afríku, írsk vefnaðarvara, enskt postulín.  Veitingahúsin, sem kennd eru við ýmis lönd heimsins, framreiða flest frábæran mat.  Strámarkaður, sem býður innlenda listmuni, er einnig í basarnum.

Bahama Princess hótelið er andspænis spilavítinu.  Það býður upp á 1.250 herbergi og er þar með stærsta hótel Vestur-Indía.

The Mall tekur við af Ranfurly Circus í norðvesturstefnu.  Þar er viðskiptahverfið í Freeport.  Mest ber á nýtízkubyggingum eins og Kiplingbyggingunum, útvarpsturninum og pósthúsinu.

Alþjóðaflugvöllurinn var byggður árið 1965.

Lucaya, *Gardens of the Groves.  Lucaya er byggð utan við Freeport, þar sem er fjöldi bústaða ríks fólks og útivistarsvæði.  Gardens of the Groves (md.-föd. 09:00-17:00) er 4,5 ha stór hitabeltisgarður, sem skírður var í höfuðið á stofnanda borgarinnar.

Grand Bahamasafnið er í garðinum (md.-föd. 10:00-16:00).  Þar er hægt að skoða mjög athyglisverða muni, sem skýra landnámssögu eyjarinnar, auk minja frá dögum, indíánanna, frumbyggja hennar.  Einnig er forsögu hinna núverandi þeldökku íbúa gerð skil.  Safn Jukanoo-búninga, sem eru af afrískum uppruna, er mjög lærdómsríkt.  Þar er líka angi af sædýrasafni.  Saga uppbyggingarinnar eftir seinni heimsstyrjöldina er líka rakin í safninu.

Bell Channel Bay er snekkjuhöfnin.  Þar í grenndinni við Lucaya Beach hótelið og spilavítið er UNEXSO (Underwater Explorers' Society), sem reisti safn um köfun almennt.

Dolphin Reef er skemmtanasvæði með manngerðu lóni og kóralrifi, þar sem synda m.a. hákarlar og barrakúda.  Einnig er þar að finna Kóraleyjuleikvanginn og margs konar vatnsleiktæki.  Tamdir höfrungar sýna reglulega listir sínar.

Port Lucaya er ný og stór verzlunarmiðstöð og afþreyingarstaður með smábátahöfn í nánd við Lucaya Beach hótelsins.

Glerbytnur (dagl. kl. 10:00, 12:00 og 14:00) liggja við bryggju hjá Lucaya Bay hótelið.

Rand Memorial Nature Centre  er litríkur 40 ha lystigarður, þar sem vaxa margar sjaldgæfar karabískar plöntur vaxa, og skemmtilegur fuglagarður.  Ferðir um garðinn með leiðsögumanni mánudaga til fimmtudaga og sunnudaga kl. 10:30, 14:00 og 15:00.

FREEPORT HARBOUR
Þegar ekið er frá Ranfurly Circus á West Sunrise Highway til vesturs, verður fyrir borgarhlutinn Freeport Harbour með iðnaðarsvæðinu Hawksbill Creek, sem byrjaði að byggjast árið 1955.  Þar er olíuhreinsunar- (1960 og birgðastöð (1958), bandarísk (US Steel) sementverksmiðja, þýzk rörsteypa (1975; Kloekner), lyfja-, matvæla- og neyzluvöruverksmiðjur.
Lucaya þjóðgarðurinn er tiltölulega nýr af nálinni.  Þar eru karsthellar, sandöldur og fenjatré.  Frá upphækkuðum palli er gott að virða fyrir sér fuglalífið.

Skoðunarferð frá Freeport til West End (43 km)
Ekið er frá Freeport eftir Queen's Highway til vesturs hjá Hawksbill Creek út á West End Road til

Eight Mile Rock, 20 km frá Freeport.  Bærinn er á ströndinni og er í örum vexti.  Í grennd við bæinn er ilm-vatnsverksmiðja, sem hægt er að fá að skoða.  Lengra meðfram ströndinni eru tvö falleg þorp, Hanna    Hill og Seagrape.  Fjórtán km lengra er Vatnajurtagarðurinn, þar sem vatnsræktun er stunduð.  Níu km lengra er West End (1 m.y.s.; íb. 1.000), sem var stærsta umskipunarhöfn áfengissmyglara á bannárunum í Bandaríkjunum frá 1917-1933.  Þar standa enn þá rústir hafnarmannvirkja og vöruhúsa smyglaranna.

*Grand Bahama Hotel & Country Club er heilsubótarstaður, sem West End er þekktur fyrir.  Þar er mjög góður golfvöllur, góð snekkjuhöfn, ráðstefnumiðstöð fyrir 150 manns, afbragðsströnd og eiginn flugvöllur.  Við West End Point er fuglafriðunarsvæði, fallegir baðstrandavogar og skemmtilegt köfunarsvæði með neðansjávarhellum.

Frá Freeport til Mc Lean's Town (80 km) er haldið eftir Queen's Highway í austurátt.
Freeport Ridge er landbúnaðarsvæði, þar sem áherzla er lögð á vatnsræktun.
Grand Lucaya Waterway er hlykkjótt vatnaleið langt inn á eyju fyrir snekkjur og sportveiðimenn.  Lucaya Estates er orlofahúsabyggð.

Köfunarferðir frá Freeport
Treasure Reef.
  Þar fannst milljónafjársjóður árið 1964.
Zoo Hole er neðansjávarhellir u.þ.b. 8 km vestan Lucaya, þar sem er að finna óvenjulega fjölskrúðugan gróður og dýralíf.
The Caves er fjöldi hella, sem faldir eru í kóralrifi á sjávarbotni.

 TIL BAKA     Ferðaheimur - Garðastræti 36 - 101 Reykjavik - info@nat.is - Heimildir            HEIM