Belgía er 30.514 km² með u.þ.b. 10 milljónir íbúa.  Höfuðborgin er Brüssel.  Landið skiptist í 9 sýslur og 43 hreppa. Tungumálasvæðin eru  þrjú:  Flandern, Vallónía og Brüssel.  Hver hluti hefur verulega sjálfstjórn í eigin málum.  Flestir íbúa Belgíu eru katólskir. Samkvæmt stjórnarskránni frá 1831 er Belgía þingbundið konungsríki, þar sem þjóðhöfðingjanum er ætlað löggjafarvald ásamt þinginu (Baldvin I frá 1951; fæddur 1930).  Í raun kemur konungur aðeins fram fyrir hönd landsins opinberlega.  Þingið starfar í tveimur deildum, efri deild (187 þm.) og neðri deild (212 þm).  Þingmenn eru kosnir til fjögurra ára í senn og gætt er jafnvægis í ríkisstjórn milli tungumálahópanna.  Í höfuðborginni Brüssel (tveggja mála borgin; flæmska og franska) eiga nokkrar alþjóðastofnanir aðsetur, s.s. yfirstjórn ESB, Kjarnorkustofnun Evrópu og aðalskrifstofur NATO.
.