Ardennafjöll,

ARDENNAFJÖLL
FRAKKLAND, BELGÍA, LÚXEMBURG, ÞÝZKALAND
.

.

Utanríkisrnt.

Ardennafjöllin fengu nafn sitt í fornöld.  Það náði yfir stórt skóglendi milli Rínar og Sambreárinnar.  Nú nær það til skógivaxinna hæða frá Frakklandi um sunnanverða Belgíu og Lúxemburg til Rínarsvæðisins í Þýzkalandi.  Ardennasvæðið nær yfir mestan hluta Ardennahéraðs í Frakklandi, mestan hluta Lúxemburgarhéraðs í Belgíu og hluta af stórhertogadæminu Lúxemburg.  Hlíðarnar lækka smám saman til norðvesturs í átt að sléttum Flanders og hæðirnar eru óvíða hærri en 488 m.  Stór hluti Ardennafjalla er öldótt háslétta, aðallega vaxin eik og beyki, víða mýrlend og vaxin heiðagróðri, þar sem er þurrara.  Svæðið er auðugt af timbri og jarðefnum.  Þar eru miklar birgðir kola og járns, sem eru mikilvægar fyrir efnahag Belgíu.  Blý, antimon og magnesíum finnast einnig í jörðu.  Nautgriparækt er mikil á þessu svæði.

Víða liggja fallegar leiðir um fjöllin milli landanna, sem ná yfir hluta þeirra, og marga áhugaverða staði, sem tengjast sögunni allt fram á okkar daga, er víða að finna.