Suður-Afríka er syðsta ríkið á meginlandi Afríku, 1.219.090 km² að flatarmáli.  Bein lína frá landamærunum í norðri til syðsta odda landsins er 1650 km löng og mesta vegalengd frá vestri til austurs er svipuð.  Norðvestan landamæranna er Namibía, Bótswana og Zimbabwe í norðri og Mozambique og Swaziland í norðaustri og austri.  Lesótó er sjálfstætt, þingbundið konungsríki, sem er umlukt Suður-Afríku á alla vegu í austurhluta landsins.  Strandlengja Suður-Afríku liggur meðfram Indlandshafi að suðaustanverðu og Atlantshafi að suðvestanverðu.  Höfuðborgir landsins eru þrjár, Pretoria (framkvæmdavaldið), Höfðaborg (Cape Town; löggjafarvaldið) og Bloemfontein (dómsvaldið).

Árið 1994 var fjórum upprunalegum héruðum landsins, Góðrarvonarhöfða, Orange Free State, Transvaal og Natal, skipt í níu héruð:  Vesturhöfða, Norðurhöfða, Austur-Free State, Free-State, Norðvestur-Free State, Gauteng, Austur-Transvaal, Norður-Natal og KwsZulu-Natal.  Austur-Transvaal var þá skirt Mpumalanga.  Íshafseyjarnar Prince Edward og Marion í Indlandshafi, u.þ.b. 2200 km suðaustan Höfðaborgar, tilheyra Suður-Afríku.  Landið átti Walvis Bay, u.þ.b. 660 km norðan Orangeárinnar, sem látinn var af hendi til Namibíu árið 1994.
.