Tollfríðindi ferðamanna

youthhostels-hn.gif (1418 bytes)
Farfuglaheimili erlendis

  Leit í Britannica   Vísindavefurinn

Norður Ameríka

.

Utanríkisrnt.

Norðurameríska meginlandið er hið þriðja stærsta og nær milli nyrðri hvarfbaugs og línu, sem er u.þ.b. 800 km sunnan Norðurpólsins.  Það er allt að 8000 km langt og breitt og nær yfir 24.230.000 km².  Útverðir „Nýja heimsins” eru Grænland, stærsta eyja heims, í norðaustri og aðrar eyjar milli þess og Kanada.  Miklu sunnar eru Bermúda, Bahamaeyjar og Áveðurseyjar í Karíbahafi.  Kyrrahafsmegin eru Aleuteyjar og Charlotteeyjar.

Þetta meginland er ekki alveg umlukið hafi, því að syðsti hluti þess, Mið-Ameríka, tengir það við Suður-Ameríku, sem oft er talin sérstök heimsálfa.  Norðan meginlandsins er Íshafið, austan þess er Norður-Atlantshafið, að sunnan er Karíbahafið og vestan þess er Norður-Kyrrahafið. Danmerkursund skilur Grænland og Ísland að og Beringsund skilur að Alaska og Asíu.  Hæsta fjallið er Mt. McKinley í Alaska, 6.194 m, og lægsti staðurinn er Dauðadalur, sem nær 86 m niður fyrir meðalsjávarmál.

Þrátt fyrir afrek íslenzka sæfarans og landafundamannsins Leifs Eiríkssonar, bera sárafáar nafngiftir á þessu meginlandi merki þess, að hann hafi fyrstur manna frá „Gamla heiminum” stigið þar fæti á land.  Nafnið Ameríka er fengið frá ítalska kaupmanninum Amerigo Vespucci, sem var meðal fyrstu sporgöngumanna Kólumbusar í Vesturheimi.  Nafnið var í fyrstu aðeins notað um suðurhlutann (S.-Ameríku) en síðar náði það líka til norðurhlutans (N.-Ameríku).

Mörkin milli Suður- og Norður-Ameríku eru að sumra mati ekki Panamaeiðið (80 km breitt), heldur um Tehuantepec, þannig að hluti Mexíkós væri þá í Mið-Ameríku.  Löndin sunnan BNA hafa því oft verið skilgreind sem Latneska-Ameríka í menningarlegu tilliti, þótt hin miðamerísku tilheyri Norður-Ameríku að mestu landfræðilega.  Norður-Ameríka er meðal elztu meginlandanna, þar sem finnast einhver elztu jarðlög í heimi.  Álfan er auðug af ýmiss konar verðmætum jarðefnum, víða þakin stórum skóglendum, stórum og smáum stöðuvötnum og frjósömum jarðvegi.
Líklega voru fyrstu íbúar álfunnar þjóðflokkar frá Asíu, sem komu yfir landbrú, þar sem Breingsund er nú.  Flestir núverandi íbúa eru af evrópskum uppruna og þá afrískum og asískum.  Þar að auki er fjöldi af latnesk-amerískum uppruna, þ.e. blendingjum Evrópumanna og indíána. Norður- og miðamerísku löndin á meginlandinu eru:  Kanada, Bandaríkin, Mexíkó, Belize, El Salvador, Honduras Nicaragua og Costa Rica.  Mið-Ameríka nær líka yfir öll lönd og eyjar í Karíbahafi, sem er sérstaklega getið undir Karíbasvæðinu.
.

 TIL BAKA     Ferðaheimur - Garðastræti 36 - 101 Reykjavik - info@nat.is - Heimildir            HEIM