|
Rúmlega
þrír fjórðungar landsins eru fjöllóttir.
Láglendi finnst aðeins í dölum og með ströndum fram.
Uppi á hálendinu rísa margir litlir tindar og aðaldrættir í
landslaginu hafa vestur-austurstefnu. Mjó óshólmaslétta við
Fosecaflóa veit mót suðri og Kyrrahafinu.
Suðvesturfjöllin og eldvirkt hálendið hafa hlaðizt upp úr
eldfjallaösku og hraunum á tertíertíma fyrir 66,1-1,6 milljónum ára.
Norðurfjöllin, þar sem ber mest á graníti og kristölluðu
bergi, eru eldri.
Landslag
og lega.
Það er hægt að skipta landinu í fjögur
eftirfarandi landslagssvæði.
Austurkarabísk láglendissvæðin,
að meðtöldum norðurhluta Moskítóstrandar og fjallahlíðarnar ná yfir
u.þ.b. fimmtung landsins.
Þessi landshluti er heitur og rakur og vaxinn þéttum skógi
inni á hásléttunum. Þar
er skógarhögg mikilvæg atvinnugrein.
Þarna í strjálbýlinu draga íbúarnir fram lífið með sjálfsþurftarbúskap
og fiskveiðum.
Norðurströndin,
árósar hennar og strandfjöllin ná yfir u.þ.b. áttunda hluta landsins
og þar býr u.þ.b. fjórðungur íbúanna.
Þessi landshluti er efnahagslega mikilvægur, þar sem frjósamur
jarðvegurinn gefur af sér ríkulegar uppskerur af bönunum, hrísgrjónum,
kassava (maníok eða júka), olíupálmum, maís, sítrusávöxtum og
bauna. Þar er líka
nautgripa-, svína- og hænsnarækt. Járnbrautir landsins eru veltengdar þessum landshluta vegna
hafnarbæjanna fimm á svæðinu.
Miðhálendið
nær yfir u.þ.b. tvo þriðjunga landsins og þar býr lungi þjóðarinnar.
Vesturfjöllin rísa hæst í Mt. Las Minas, 2849 m, sem er hæsti
tindur landsins. Mikill fjöldi
flatbotna dala er í 600-1200 m hæð yfir sjó og þar er öskublandaður
jarðvegurinn frjósamur og upplagður til ræktunar kaffis, tóbaks,
hveitis, maís, sorghum, bauna, ávaxta og grænmetis. Þarna eru líka góð beitilönd fyri nautgripi, svín og hænsni.
Miðja láglendisins
við Kyrrahafið er við Fonsecaflóa. Þar og í fjallahlíðunum býr lítið brot þjóðarinnar
enda er svæðið ekki stórt. Þar
er mikið ræktað af sesamfræi, baðmull og lítið eitt af maís og
sorghum. Nautgripir eru á beit niðri á láglendinu og kaffi er ræktað
til fjalla. |
