Nafn fylkisins er úr indíánamáli og þýðir „Þjóð sunnanvindsins”.  Gælunöfn fylkisins eru Sólblómafylkið” og „Fylki akarnsskjósins”.  Flatarmál þess er 212.973 km² (14. stærsta fylki BNA).  Íbúafjöldinn 1997 var u.þ.b. 2,4 milljónir (5 % negrar).

Kansas er flatlent og sums staðar hæðótt og hækkar nokkuð jafnt frá austri til vesturs.  Fylkið skiptist í þrjú landfræðileg svæðí, Stórusléttur (High Plains og Plains Border), Osage Plains og Dissected Till Plains.  Stórusléttur eru hæstar og flatlendastar og ná yfir vesturhluta fylkisins.  Einu frávikin í landslagi þeirra eru árdalir.  Víða leysist berggrunnurinn upp í vatni, hrynur eða sígur á yfirborði við veðrun, þannig að víða eru lægðir í landslaginu.  Jarðvegur á þessum slóðum er sendnari en annars staðar í fylkinu.  Osage-slétturnar í austurhlutanum eru hæðóttar.  Flint-hæðirnar í vesturhlutanum eru úr hörðu kalki.  Dissected Till-slétturnar í norðausturhlutanum eru þaktar jöklaseti blönduðu grjóti.  Víðast í austurhlutanum er sléttujarðvegurinn frjósamur.

Höfuðborgin er Topeca og aðrar borgir m.a. Wichita, Kansas City, Overland Park og Lawrence.  Kansas varð 34. fylki BNA 1861.
Landbúnaður: Hveiti, nautgripir, timbur, einkum valhnetutré.
Iðnaður:  Matvæli, samgöngutæki, vélasmíði, efnaiðnaður og flugvélasmíði í Wichita.
Jarðefni:  Jarðolía, jarðgas, helíum (mesta framl. í BNA) og salt.