Topeka er höfuðborg Kansasfylkis, miðstöð viðskipta og iðnaðar í frjósömu nautgripa- og hveitiræktarhéraði (neyzluvörur, matvæli, prentað efni, gúmmí- og málmvörur).  Þar að auki byggist efnahagur borgarinnar á opinberri starfsemi, ferðaþjónustu og tryggingastarfsemi.  Þarna er Washburnháskóli (1885) og Menningerstofnunin (taugaaðgerðir).  Gestir borgarinnar líta gjarnan á Þjóðminjasafnið, Mulvane-listamiðstöðina (málverk, höggmyndir) og landstjórabústaðinn (1866-1903).  Byggðin var skipulögð 1854 í grennd við gömlu leiðirnar milli Santa Fe og Oregon og varð að áfangastað járnbrautarinna til Atchinson og Santa Fe.  Árum saman var bærinn miðstöð átaka milli fylgjenda þrælahalds og afnámssinna í Kansas.  Árið 1861 var Topeka valin sem frambúðarhöfuðborg Kansas, þegar héraðið varð að fylki í BNA.  Áætlaður íbúafjöldi árið 1990 var tæplega 120 þúsund.