Líkt og aðrir Norðurlandabúar, risu Svíar úr öskustó fáfræði og fátæktar og skipuðu sér í flokk ríkustu og þróuðustu ríkja heims á undraskömmum tíma eftir iðnbyltinguna.  Fyrrum voru þeir herskáir landvinningamenn en hafa fylkt sér með hlutlausum ríkjum með eigin her, þótt þeir standi frammi fyrir hernaðarlegum skuldbindingum við Evrópusambandið. Friður hefur ríkt í landinu síðan 1814 og eftir lok síðari heimsstyrjaldarinnar hefur áherzlan verið lögð á hlutleysi í stríði og friði í utanríkisstefni landsins.

Landinu er skipt í þrjá hluta samkvæmt gamalli hefð:  Fjall- og skólendur norðurhlutinn er kallaður Norrland, miðhlutinn, með láglendi austantil og hálendi vestantil, er kallaður Svealand og suðurhlutinn með hálöndum Smålands og Skáni er kallaður Gautaland.  Lappland í norðri nær yfir hluta Norrlands og Norður-Finnlands.

Íbúar Svíþjóðar búa við þingbundna konungsstjórn með þingi, sem starfar í einni deild.  Þjóðhöfðinginn er konungur eða drottning og forsætisráðherra leiðir ríkisstjórn.  Höfuðborgin er Stokkhólmur, tungan er sænska og opinbera kirkjan er þjóðkirkjan (lútersk).  Gjaldmiðillinn er sænsk krona.  Heildarflatarmál landsins er 449.964 km².  Áætlaður íbúafjöldi árið 2000 var u.þ.b. 8,9 milljónir og u.þ.b. 22 búa á hverjum km² (83% í þéttbýli og 17% í dreifbýli; 49,4% karlar og 50,6% konur).  Aldurskipting:  Undir 15 ára aldri 18,8%, 15-74 ára 65,6% og eldri en 80 ára 8,6%.  Svíar eru í meirihluta, 89,3%, Finnar 2,3%, Júgóslavar 0,8%, Íranar 0,6%, Bosníuserbar 0,5% og aðrir 6,5%.  Fylgjendur þjóðkirkjunnar eru 86,1%, katólskir 1,9%, gyðingar 1% og aðrir 11,0%.  Helztu borgir eru:  Stokkhólmur (720 þús.), Gautaborg (455 þús.), Malmö (249 þús.), Uppsala (185 þús.) og Linköping (132 þús.).  Fæðingartíðni er u.þ.b. 11:1000 (heimsmeðaltal: 25:1000).  Hjónabandsbörn eru 47%.  Dánartíðni 10,6:1000 (heimsmeðaltal: 9,3:1000).  Íbúafjölgun 0,2:1000 (heimsmeðaltal:  15,7:1000).  Hjónabandstíðni 3,4:1000 og skilnaðatíðni 2,4:1000.  Lífslíkur við fæðingu:  Karlmenn 75,6 ár og konur 81 ár.  Helztu dánarorsakir miðað við 1000 íbúa:  hjartasjúkdómar 429, krabbamein 230 og heilablæðing 114.