Norður-Karólína er eitt Suður-Atlantshafsfylkja BNA.  Norðan þess er Virginia, Atlantshafið í austri, Suður-Karólína og Georgia í suðri og Tennessee í vestri.  Flatarmálið er 136.140 km² og íbúafjöldinn 1997 var u.þ.b. 6 milljónir (22% negrar).

Norður-Karólína varð 12. fylki BNA 21. nóvember 1789, eitt hinna 13 stofnríkja.  Þar var aðallega stundaður landbúnaður fram á þriðja tug 20. aldar, þegar vaxandi iðnaður (vefnaður, húsgagnasmíði og tóbaksvinnsla) varð mikilvægari.  Framleiðsla og þjónusta (þ.m.t. ferðaþjónusta) voru undirstöður efnahagsins á tíunda áratugnum ásamt landbúnaði og timburvinnslu.  Þrír forsetar BNA á 19. öld fæddust í Norður-Karólínu:  James K. Polk, Andrew Johnson og Andrew Jackson.  Hinn síðastnefndi fæddist á landamærasvæðinu milli Norður- og Suður-Karólínu.  Nafn þessara tveggja fylkja eru dregin af nöfnum Karls I og Karls II, Englandskonunga.  NK er einnig kallað “Tar Heel State” og Gamla-Norðurfylkið.  Aðalborgirnar eru:  Raleigh (höfuðborgin), Charlotte, Greensboro, Winston-Salem og Durban.