Charlotte er mikivæg miðstöð iðnaðar, verzlunar, flutninga og fjármála í Norður-Karólínu og jafnframt stærsta borg fylkisins.  Iðnaðurinn framleiðir m.a. prentað efni, efnavöru, míkrórafeindatæki, vefnaðarvöru, vélbúnað málm- og pappírsvörur og matvæli.  Borgin er setur Johnson C. Smith-háskólans (1867), Queens-háskólans (1857) og Fylkisháskólans (1946).  Listasafn borgarinnar (Mint Museum) er í fyrrum myntsláttu BNA, sem starfaði á árunum 1837-61 og 1867-1913.  Andrew Jackson, forseti BNA, og James K. Polk fæddust í nágrenni borgarinnar.  Helztu íþróttalið borgarinnar eru Charlotte Hornets (körfubolti) og Carolina Panthers (ruðningur).

Byggð fór að myndast á þessum slóðum árið 1750 og borgarréttindi fengust árið 1768.  Nafnið er dregið af nafni eiginkonu Georgs III, Charlotte Sophia af Mecklenburg-Strelitz.  Sagt er að íbúar Mecklenburg-sýslu hafi undirritað sjálfstæðisyfirlýsinguna í Charlotte 20. maí 1775, ári áður en sjálfstæðisyfirlýsing BNA var birt.  Áætlaður íbúafjöldi 1990 var tæplega 400 þúsund.