Winston-Salem er miðstöð heilbrigðisþjónustu, rannsóknastarfsemi og iðnaðar og velþekkt fyrir mikla framleiðslu tóbaksvöru (vindlinga) auk vefnaðarvöru, húsgagna, rafeinda- og lækningatæki og matvæli.  Þarna er Wake Forest-háskólinn (1834), Fylkisháskólinn (1892), Salem-háskólinn (1772), Piedmont-biblíuháskólinn (1945), Winston-Salem biblíuháskolinn (1950) og Listaskóli N.-Karólínu (1963).  Meðal áhugaverðra staða er Bethabara sögusvæðið, þar sem stendur endurgerð fyrstu móravísku byggðarinnar (1753).  Þar að auki eru nokkur söfn og synfóníuhljómsveit.

Móravískir landnemar skipulögðu byggð í Salem árið 1766.  Nafnið er komið úr hebresku (shalom = friður).  Winston var stofnuð í næsta nágrenni 1849 og nefnd eftir Jósef Winston, majór og stríðshetju úr frelsisstríðinu.  Borgirnar sameinuðust 1913.  Áætlaður íbúafjöldi 1990 var tæplega 144 þúsund.