Greensboro er miðstöð viðskipta, iðnaðar og flutninga fyrir landbúnaðarhéraðið umhverfis borgina.  Hún er meðal stærstu borga Norður-Karólíunufylkis og aðalframleiðsluvörurnar eru baðmullarvefnaður, efnavörur, lyf, rafvélar, tóbaksvörur og byggingarefni.  Borgin er setur Fylkisháskólans (1891), Greensboro-háskólans (1838) og Landbúnaðar- og tækniháskóla fylkisins (1891).  Borgin var skírðeftir Nathanael Greene, sem stýrði liði BNA í orrustunni Guilford Courthouse (1781) í frelsisstríðinu.  Smásagnaritarinn  William Sidney Porters (O.Henry) og hinn kunni blaðamaður, Edward R. Murrow, fæddust á þessu svæði.  Í febrúar 1960 sátu fjórir svartir stúdentar við borð í kaffihúsi fyrir hvíta í miðbæ Greensboro og hófu þar með friðsamlega baráttu gegn kynþáttafordómum.  Áætlaður íbúafjöldi 1990 var tæplega 184 þúsund.