|
Ghana
er ríki í Vestur-Afríku við Guineaflóa, 238.533 km² að flatarmáli.
Norðvestan og norðan þess er Burkina Faso, Tógó í austri,
Atlantshafið í suðri og Fílabeinsströndin í vestri.
Höfuðborgin er Accra.
Þrátt
fyrir tiltölulega smæð sína og fáa íbúa, er Ghana meðal leiðandi
þjóða Afríku, sumpart vegna náttúruauðlinda sinna og sumpart vegna
þess, að það var fyrsta landið sunnan Sahara til að brjótast undan
oki nýlenduherranna og gerði áætlanir um menntun og iðnvæðingu í
kjölfarið. Landið fékk sjálfstæði
6. marz 1957 og nær yfir fyrrum Gullströnd Breta og hluta af Tógólandi,
sem var fyrrum verndarsvæði Sameinuðu þjóðanna undir stjórn Breta.
.
|
