Tema er borg í Suðaustur-Ghana við Gíneuflóa ófjarri Accra.  Höfn borgarinnar, sem var byggð á sjötta áratugi 20. aldar og opnuð fyrir umferð 1961, er einhver hin líflegasta í landinu.  Talsverðar fiskveiðar eru stundaðar frá borginni og framleiðsla hennar byggist m.a. á fiskvinnslu, áli, olíuhreinsun, efnaiðnaði, matvælum og byggingarefnum.  Áætlaður íbúafjöldi 1990 var tæplega 181 þúsund.