Moldóva var stofnuð sem sjálfstætt ríki út úr Rúmeníu árið 1924 en var þröngvað inn í sovézka ríkjasambandið af Stalín árið 1940.  Sovétríkin neyddu Rúmena til að láta Bessarabíu af hendi og stofnuðu Sovétlýðveldið Moldovu í stærsta hluta hennar.  Rúmenar náðu Bessarabíu aftur á sitt vald í síðari heimsstyrjöldinni, þegar þeir börðust við hlið Þjóðverja, en misstu hana aftur við stríðslok 1944.  Þá voru landamæri Sovétríkjanna og Rúmeníu frá 1940 staðfest í París 1947, auk þess sem staðfest var að Moldova væri með réttu Sovétlýðveldi.  Trúlega munu sterk bönd myndast á ný við Rúmeníu en munur moldóvísku og rúmensku er vart merkjanlegur og sterk menningar- og söguleg tengsl eru á milli ríkjanna.