Við tók tímabil sviptinga; fall Konstantínópel í hendur Tyrkja 1453 einangraði Georgíubúa frá kristnum þjóðum í vestri og Tyrkir og Rússar herjuðu á þjóðina næstu aldir.  Á 18. öld náðu Rússar yfirráðum í Georgíu.  Undir stjórn Rússa náði efnahagur og menning Georgíubúa sér á strik en á síðari hluta 19. aldar óx óánægja með stjórn zarsins.

Árið 1917 lýsti Georgía yfir sjálfstæði en lýðveldið var fyrst viðurkennt af bandamönnum árið 1921.  Sovézkar hersveitir lögðu landið undir sig sama ár og Georgía varð sjálfstætt Sovétlýðveldi 1936.

Georgíumenn hafa horft til dýrðardaga ríkisins á 13. öld og sjálfstæðisins 1917-1921.  Upp úr 1985 fór að bera á kröfum um sjálfstæði en þeim var mætt af hörku í Moskvu, sem beitt hervaldi 1989 í Tíblísí.  Georgía hefur óskað sjálfstæðis.