Stjórnarhættir í landinu breyttust mikið eftir hrun Sovétríkjanna og þróaðist á sérstakan hátt.  Þegar fyrsti kjörni forseti landsins, Ziviad Gamsakhurdia (1991-92), neyddist til að segja af sér í janúar 1992, var embætti forseta numið úr gildi og löggjafarþingið leyst upp.  Herráð var stofnað þar til völd þess voru falin 234 manna ríkisráði, eða þingi, sem starfar í einni deild.  Þingmenn eru kosnir í almennum hlutfallskosningum.  Forseti þingsins sinner skyldum þjóðhöfðingja og skipar forsætisráðherra.  Eduard Shevardnadze, fyrrum utanríkisráðherra Sovétríkjanna, var kosinn forseti þingsins árið 1992 og síðar sama ár var val hans staðfest í almennum kosningum, þrátt fyrir stöðgua árekstra hans og þingsins.  Herráðið, sem Shevardnadze stýrði einnig, annast þjóðaröryggi og landvarnir.  Landið er aðili að CIS (Commonwealth of Independent States), Bandalagi sjálfstæðra ríkja.  Mannréttindahreyfing Helsinki ásakar stjórnvöld í Georgíu um alvarleg brot á réttarfarsreglum og mannréttindum.