Allt frá miðri 20. öldinni hefur hefur lífsmunstur landsmanna breytzt verulega og hraðinn aukizt.  Mekka og Medína, heilugustu borgir múslima, hafa ætíð dregið til sín útlendinga, sem fjölgar í takt við bættar samgöngur og skipulag.  Olían hefur valdið varanlegum breytingum í lífi íbúanna á sviðum menntunar, samfélags og efnahagsmála.

Tækniframfarir, nútímaskipulag og þörfin fyrir sérmenntað fólk hafa leitt til aukins fjölda starfandi útlendinga í þessu hefðbundna þjóðfélagi og krafizt þess, að hundruð þúsunda Sádiaraba taki til höndum í óhefðbundnum starfsgreinum.  Auk þess hafa tugir þúsunda sádiarabískra stúdenta stundað nám erlendis, einkum í BNA.  Sjónvarp og útvarp eru orðin algengir fjöl- og menningarmiðlar.  Hraðbrautir og samgöngur í lofti hafa tekið við af hefðbundum og hægari ferðamáta úlfaldalestanna.