Nágrannafylki Iowa eru Minnesota í norðri, Wisconsin og Illinois í austri, Missouri í suðri og Nebraska og Suður-Dakota í vestri.  Mississippifljótið myndar öll austurmörkin og Missouri-áin mestan hluta vesturmarkanna.  Íbúafjöldinn 1997 var tæpar 3 milljónir (1% negrar).

Iowa varð 29. fylki BNA 28. desember 1846.  Herbert C. Hoover, forseti, fæddist í fylkinu.  Fylkið er nefnt eftir undirættkvísl Sioux-indíána, ioway, sem var líka kölluð alonez, og gælunafn þess er „Hawkeye State” (Fráneyga fylkið).  Flatarmálið er 145.729 km² (25. stærsta fylki BNA).

Landið er eitthvert bezta landbúnaðarsvæði BNA og er þekkt fyrir afurðirnar, maís, svína- og nautgriparækt.  Á síðasta áratugi 20. aldar var landbúnaðurinn og tengdur iðnaður aðalundirstaða efnahagslífsins.  Aðalborgirnar eru Des Moines (höfuðborgin), Cedar Rapids, Davenport, Sioux City og Waterloo.