Des Moines er höfuðborg Iowa-fylkis og stærsta borg þess.  Hún er miðstöð viðskipta, iðnaðar og samgangna fyrir stórt maísræktarhérað.  Helztu framleiðsluvörur borgarinnar eru prentað efni, landbúnaðartæki, matvæli og hjólbarðar.  Opinber- og tryggingastarfsemi og fjármálastofnanir eru mikilvæg fyrir efnahaga borgarinnar.  Þarna er m.a. menntastofnana Drake-háskólinn (1881) og Læknaháskóli (1898).  Gestir borgarinnar skoða gjarnan þinghúsið (1871-1884), listamiðstöðina (1958; finnski arkitektinn Eliel Sarrinen; 19. og 20. aldar málarar) og Iðnaðar- og vísindamiðstöðina.

Alríkisstjórnin lét reisa Des Moines-virkið við ármót Des Moines- og Þvottabjarnarár 1843.  Tveimur árum síðar var svæðið í kringum virkið opnað fyrir hvíta landnema og árið 1851var byggðin sameinuð virkisbænum.  Bæirnir Austur-Des Moines og Fort Des Moines voru síðan sameinaðir 1857.  Nafn bæjarins kann að vera komið frá indíánum, sem nefndu þennan stað Miðjuna milli Missouri- og Mississippifljótanna.  Áætlaður íbúafjöldi árið 1990 var rúmlega 193 þúsund.