Á Hawaii eru afkomendur frumbyggjanna, sæfaranna, sem komu til eyjanna á 19. öld, trúboðanna frá klaustrum Nýja-Englands, sem innleiddu vestræna siði, Asíumanna og Portúgala, sem komu til að vinna á sykurreyrs- og ananasekrunum. Talsverður fjöldi fólks frá meginlandi N.-Ameríku starfar í herstöðvum flota og flughers BNA, þannig að eyjaskeggjar blandast stöðugt meira.

Tilvist þessara herstöðva er mikilvæg tekjulind Hawaiiríkis.  Ræktun og vinnsla sykurs og ananas, sem landbúnaðurinn byggist aðallega á, er orðinn mjög tæknivædd.  Síðan Hawaii varð sambandsríki hefur fjölbreytnin í landbúnaðnum aukizt gífurleg.  Síðari heimsstyrjöldin olli mikilli samkennd og einhug meðal íbúanna og gífurlegum framförum í iðnaði.  Þessi þróun hefur ekki dregið úr náttúrufegurð eyjanna og ferðaþjónustan hefur verið aðalatvinnuvegur eyjanna frá 1972.  Allir íbúarnir, gulir, brúnir, svartir og hvítir, vinna saman í fullri sátt og samlyndi að uppbyggingu þessarar atvinnugreinar og skapa þannig fagurt fordæmi fyrir þjóðir heims.

Þetta fimmtugasta ríki BNA er jafnframt hið óvenjulegasta.  Það er að mestu í hitabeltinu.  Þar eru stærstu virku og óvirku eldfjöll heims.  Það er eina ríki BNA, sem er landfræðilega ótengt norðurameríska meginlandinu.  Það er eina ríkið, sem var fyrrum sjálfstætt konungsríki og hið eina, sem státar af konungshöll.  Það er líka eina ríkið, sem er einvörðungu eyjar og hið eina, þar sem búa einungis Bandaríkjamenn af evrópskum stofni.

Auknefni Hawaii, „Aloha ríkið”, á rætur sínar að rekja til tungumálsins, sem var ríkjandi á eyjunum á 19. öld.  Aloha þýðir „ást” og er notað sem kveðja, bæði við komu og brottför fólks.  Eyjarnar eru líka kallaðar „Paradís Kyrrahafsins”.  Mark Twain lýsti eyjunum svo:  „Fallegasti floti eyja, sem liggur fyrir akkeri í nokkru hafi í heiminum.”  Nafn eyjanna gæti verið komið af orðinu „Hawaiki”, fyrrum nafni Félagseyja, þar sem búa pólýnesar.  Samkvæmt þjóðsögunni hét maðurinn, sem uppgötvaði eyjarnar Hawaii Loa.