Hawaii afþreying Bandaríkin,
Flag of United States

Sagan Skoðunarvert Merkisatburðir í hawaískri sögu  

HAWAII
Afþreying

.

.

Utanríkisrnt.

Booking.com

Sumarið eilífa á Hawaiieyjum veldur mikilli útivist heimamanna og gesta.  Mörg hús eru með veröndum (lanais) og fólk flykkist á strendurnar, s.s. Waikiki, sem er ein frægasta strönd heims.  Ein vinsælasta íþróttin á Hawaiieyjum er brim- og seglbrettabrun.  Brimbrettabrun var fyrrum íþrótt konunga og höfðingja á eyjunum.  Brimbrun í hawaísku kanóunum er líka vinsælt.  Tækjaköfun, hlaup, fiskveiðar með spjótum og margar áhorfendaíþróttir eru vinsælar.  Árlega fer ruðningskeppni atvinnuliða fram á Hawaii.

Útihátíðir (luaus) eru vinsælar.  Þar eru borin fram heil svín, sem eru steikt á heitum steinum í gröfum.  Þjóðarrétturinn „poi” er líka á borðum.  Skemmtiatriði eru oft þjóðlegir söngvar og dansar, einkum hinn mjúki „húladans”, sem er samspil orða, hljómfalls og hreyfinga.  Þessi dans á rætur að rekja til heiðinna trúarathafna hinna pólýnesísku forfeðra Hawaiibúa.

Á öllum aðaleyjunum er fjöldi stranda, skemmtigarða og annarra afþreyingarmöguleika.  Á Oahu eru rúmlega 260 afþreyingarsvæði.  Meðal áhugaverðustu svæðanna á Hawaiieyjum er Eldfjallaþjóðgarðurinn á Hawaii með tveimur virkum eldfjöllum og minnismerkið um USS Arizona, þar sem skipinu var sökkt í Perluhöfn 7. des. 1941.  Alls eru sjö þjóðarminnismerki í Hawaiiríki, þ.m.t. þjóðgarðar og sögugarðar, 77 ríkisgarðar og 569 sýslugarðar.

Ferðamenn skoða gjarnan Iolanihöllina með krýningarsalnum, málverkum af kóngafólkinu, eftirlíkingum af hásætum og fjaðrabúningum (kahilis).  Kalakaua konungur lét byggja höllina árið 1882 og bjó þar til dauðadags árið 1891.  Árið 1893, þegar Liliuokalani drottingu var steypt af stóli og bráðabirgðastjórn tók við, var höllin notuð sem stjórnsýslusetur.  Löggjafarþing kom þar saman frá 1895 þar til lokið var við smíði ríkisþinghússins 1968.

Hinar upprunalegu rammabyggingar amerísku trúboðanna draga líka til sín marga gesti.  Í Listaháskóla Honolulu, þar sem eru 30 sýningarsalir, eru haldnir fyrirlestrar.  Bernice P. Bishop-safnið (1889) er stórkostlegt sögusafn um pólýnesa.  Í Fostergrasagarðinum er margt óvenjulegra hitabeltistrjáa og plantna af Kyrrahafssvæðinu.

 TIL BAKA     Ferðaheimur - Garðastræti 36 - 101 Reykjavik - info@nat.is - Heimildir            HEIM