Sierra Leone er ríki í Vestur-Afríku, 71.740 km² að flatarmáli.  Norðan þess er Guinea, Líbería að sunnan og Atlantahafið í vestri.  Höfuðborgin Freetown stendur við einhverja stærstu náttúruhöfn í heimi.

Nafn landsins er rakið til portúgalska landkönnuðarins Pedro de Sintra, sem varð fyrstur Evrópumanna til að finna og mæla höfnina í Freetown.  Þá fékk landið nafnið Serra Lyoa (Ljónafjöll) á portúgölsku.  Langflestir íbúanna starfa við landbúnað en námuvinnsla er talsverð.  Þarna finnast demantar, gull, báxít og rutile (títaníumtvíoxíð) í jörðu.  Þéttbýli hafa myndast smám saman, eftir því sem fleiri flytja úr dreifbýlinu.  Atvinnulausum í borgum og bæjum fjölgar stöðugt.