Túrkmenar komu frá Vestur-Tyrklandi á 11. öld.  Þeir stofnuðu ekki ríki, heldur voru oft undir yfirráðum grannríkjanna.  Á 19. öld seildust Rússar eftir yfirráðum á landi Túrkmena og eftir margra ára blóðuga baráttu var rússneska Túrkístan stofnað árið 1884.

Ítök Rússa voru ekki ýkja djúpstæð meðal Túrkmena, því 1916 brauzt út bylting, þegar Rússar reyndu að kveðja þá til herþjónustu í fyrri heimsstyrjöldinni.  Árið 1919 lýsti nefnd, skipuð múslímskum kommúnistum í Túrkístan, því yfir, að stefnt skyldi að sameiningu við Sovétríkin.

Stalín lýsti því yfir 1923, að hann vildi gjarna stofna fimm lýðveldi innan Túrkístan, skipt eftir þjóðerni.  Ekkert varð úr þeim fyrirætlunum, því Sovétlýðveldið Túrkmenístan var stofnað árið 1924 og formlega tekið í ríkjasambandið ári síðar.

Talið er að Túrkmenístan eigi enga möguleika á sjálfstæðu lífi utan Sovétríkjanna, enda hafa umbætur þar verið hægar.