Árið 1993 var íbúafjöldi Túrmenistans 4,2 miljónir (9 manns á hvern km²).  Byggðirnar eru meðfram ám, skurðum og í grennd við vatnsból.  Stærsta og jafnframt höfuðborgin Ashgabat (517.200 íbúar 1993) fær vatn frá Garagum-skurðinum.  Aðrar veigamiklar borgir eru Chärjew (Chardzhou; 164.000 íbúar 1990) og Dashhowuz (114.000 íbúar 1990).  Á síðasta áratugi 20. aldar bjó rúmlega helmingur íbúanna í dreifbýli.  Fólksfjölgunin var þá u.þ.b. 2½% á ári.  Barnadauði var rúmlega 50% miðað við 1000 lifandi fædd born.  Lífslíkur voru 64 ár.

Túrkmenistan er einsleitasta fyrrum lýðveldi Sovétríkjanna í Mið-Asíu.  Túrkmenar, sem eru af tyrkneskum uppruna og langflestir sunnimúslimar, eru 73% þjóðarinnar.  Meðal minnihlutahópa eru Rússar (10%), Úzbekar (9%), Kazakar, tatarar, Úkraínumenn, Azerar og Armenar.  Ólíkt öðrum lýðveldum í Mið-Asíu var lítið um brottflutning minnihlutahópa á tíunda áratugnum vegna réttra viðbragða stjórnvalda.