Stjórnarsetur:  Tíblísí.  Flatarmál:  69.700 km².
Fólksfjöldi:  5,5 milljónir, Georgíumenn 68,8%, Armenar 9%, Rússar 7,4%, Azerar 5,1%, aðrir 9,7%.
Georgía er hálend og þekja skógar tæp 40% landsins.
Mikil verðmæt jarðefni eru í landinu, mangan, kol, olía og járn.  Helztu atvinnuvegir eru landbúnaður, námagröftur og iðnaður.
Íbúar Georgíu eru m.a. komnir af Assýríu- og Úrartúbúum.  Georgía varð konungsríki á 4. öld f.Kr.  en Persar réðu landinu á 3. og 4. öld e.Kr.  Georgíumenn tóku kristni árið 330.  Á næstu þremur öldum flæktust þeir inn í átök býsanska og persneska heimsveldisins og þjóðin splundraðist.  Í lok 9. aldar sameinuðust þjóðir Georgíu á ný og veldi þeirra náði hámarki á 12. og 13. öld.