Höfuðborgin er Cheyenne og meðal annarra borga er Casper.

Námuvinnsla.

Lítill landbúnaður: Sauðfé, nautgripir, sykurrófur, kartöflur, kornrækt og beitiland.

Fremur lítill iðnaður:  Olíuhreinsun, timbur, matvæli og elektróník.

Jarðefni:  Olía, gas, úraníum, kol, olíuhellur, járngrýti og fosfat.

Ferðaþjónustan er mikilvæg (þjóðgarðar, villireið/rodeo o.fl.).

Skoðunarvert:
Grand Teton þjóðgarðurinn.

Yellowstone þjóðgarðurinnn.

Casper er blómstrandi borg við Norður-Platteána.  Hún er miðstöð landbúnaðar, olíuhreinsunar og úraníumnáms.  Villtavesturssafn í virkinu Fort Casper. 

Cheyenne, höfuðborgin, er í suðausturhlutanum.  Hún er miðstöð landbúnaðar og olíu- og kolanáms.  Þinghúsið (1888), Fylkissafnið.  Villireiðar (rodeo) í júlí ár hvert.

Devils Tower þjóðarminnismerkið er 56 km norðvestan Sundance.  Það er 264 m hár klettur úr blágrýtisstuðlabergi uppi á skógi vöxnu fjalli.

Fort Laramie National Historic Site er 42 km vestan Torrignton.  Þar byggðist landamærastöð 1834 og virkið varð mikilvægur verzlunarstaður skinnaveiði- og kaupmanna.  Ellefu byggingar hafa verið endurbyggðar.

Jackson er vetraríþróttastaður í vesturhlutanum.

Laramie er háskóla- og vetraríþróttabær (u.þ.b. 8500 stúdentar).

Thermopolis er þorp í norðanverðri miðju fylkisins.  Þar eru vinsælar laugar, allt að 11 m í þvermál (8 l/sek; 57°C), með baðaðstöðu.

Wind River verndarsvæðið er 8 km norðan Lander.  Þar búa Shoshone- Arapahoe-indíánar.  Þar er gröf indíánakonunnar Sacajawea, sem leiddi Lewis-&-Clark-leiðangurinn.  Í júlí og ágúst ár hvert er haldin arapahoe-indíánahátíð í sex daga (Powwow) í Riverton og sólardansar (3 dagar) í Fort Washakie.