Höfuðborgin er Madison og næststærst er Racine.

Landbúnaður:  Mjólkurvörur (mest í BNA), maís, hafrar, ávextir, grænmeti og tóbak.

Mikil timburvinnsla.

Iðnaður:  Vélasmíði, pappírsmyllur, matvæli, bjórverskmiðjur og samgöngutæki.

Jarðefni:  Sínk, granít o.fl.

Ferðaþjónustan er ört vaxandi (vatnaíþróttir, stangveiði, skotveiði, vetraríþróttir o.fl.).

Appleton er iðnaðarborg (miðstöð pappírsiðnaðar) norðan hins stóra Winnebagovatns.  Stofnun um pappírsefnafræði og safn, Lawrence-háskólinn (st. 1847).

Baraboo er stórt og þrifalegt garða- og sirkusþorp.  Sirkussafn, járnbrautasafn.  Devil’s Lake-fylkisgarðurinn er 5 km sunnar á klettóttu svæði.

Bayfield er lítið þorp við Efravatn.  Bátsferðir til nærliggjandi eyja.

Belmont er lítið þorp, sem var fyrsti höfuðstaður Wisconsin.  Badger-garðurinn er 27 km suðaustan þess.  Þar er gömul blýnáma og safn.

Chippeawa Falls er lítill bær við Chippewaána.  Wissota-uppistöðulónið og orkuver (bátaleiga) er 8 km austan hans.

De Pere er lítill bær, þar sem jesúítar settu upp trúboðsstöð við Refá árið 1671.

Door Country er skagi milli Grænaflóa og Michiganvatns með vinsælum ferðamannastöðum, baðströndum og skíðasvæðum.

Eau Claire er lítil háskólaborg (u.þ.b. 10.000 stúdentar).

Fond Du Lac er lítill iðnaðarbær við suðurenda Winnebagovatns, sem er 48 km langt og 15 km breitt.  Þar voru fyrstu járnbrautarsporin lögð árið 1853.

Græniflói (Green Bay) er mikilvæg háskóla- og hafnarborg við suðurenda Grænaflóa í Michiganvatni (pappírsiðnaður og ostagerð).  Lögfræðingastofan „Cotton House & Baird” var stofnuð 1840.  Elzta hús fylkisins er „Roi-Porlier-Tank Cottage” frá 1776.  Í Howardvirkinu er Spítalasafn (1816).  Járnbrautasafn.

Hayward er meðaþorp.  Chippewa-indíánaverndarsvæðið er 1½ km austan þess (Söguland).

Janesville er lítil iðnaðarborg (Parker ritvélar, GM bílar) við Steiná (Rock River).  Uppgerð hús frá 19. öld.  Þrír almenningsgarðar.  Landbúnaðarsýningar (Rock River Thresheree).

Lac Du Flambeau er lítið heilsubótarþorp í miðju verndarsvæðis indíána.

Manitowok er verzlunar- og iðnaðarbær (skipasmíðar, álvörur, niðursuðudósir o.fl.) vi Michiganvatn.  Fjöldi safna (m.a. kafbátur).  Ferjur yfir vatnið.

Neenah-Menasha er tveir bæir við Winnebagovatn.  Pappírsiðnaður.  Útgáfufyrirtæki.
New Glarus er meðalþorp, sem Svisslendingar stofnuðu og halda enn þá hátíðir í sínum anda.

Prairie Du Chien er stórt og gamalt franskt þorp við Mississippifljótið, ofan ármóta Wisconsinárinnar.  Villa Louis er frá 1843.  Skemmtiferðir á Mississippi.  Hellir kickapoo-indíána er 24 km austar.  Eagle Cave dropasteinahellirinn er 56 km norðaustan þorpsins.

St. Croix Falls er sumar- og vetrardvalarstaður.  Bátar og skíðasvæði.

Spring Green er þorp, þar sem arkitektinn Frank Lloyd Wright býr.

Stevens Point er háskólabær.

Superior er hafnarbær Duluth við vesturenda Efravatns.  Miklir vöruflutningar (kol, járngrýti, kornvara o.fl.).

Watertown er bær, þar sem Margarethe Meyer-Schurz stofnaði fyrsta þýzka barnaheimilið í BNA (Octagon House) 1855.

Wisconsin Dells er þorp við Wisconsinána, sem hefur grafið sig niður og myndað hið fagra *Dells-gljúfur (bátsferðir þangað).  Útisafn, þorp winnebago-indíána (danshátíðir á sumrin).