Wisconsin er eitt miðnorðaustur-fylkjanna.  Norðan þess er Superior-vatn og Efri-Skagi Michigan, að austan er Michigan-vatn, að sunnan Illinois og að vestan Iowa og Minnesota.  Monominee-áin myndar norðausturmörkin og Mississippi-fljótið og St Croix-áin mynda hluta vesturmarkanna.

Flatarmál þess er 145.377 km² (26. stærsta fylki BNA).  Íbúafjöldinn 1997 var u.þ.b. 4,7 milljónir (4% negrar).

Wisconsin varð 30. fylki BNA 29. maí 1848.  Eftir síðari heimsstyrjöldina var iðnaður og framleiðsla komin í fyrsta sæti.  Einnig er mikið ræktað af maís.  Milwaukee og Madison (höfuðborgin) voru stærstu borgir landsins og veigamestu miðstöðvar iðnaðar og viðskipta.  Fylkið var nefnt efir Wisconsin-ánni, sem er komið úr franskri útgáfu af ojibwa-orðunum fyrir Vatnamót eða Bifrastaður.  Gælunafn fylkisins er Greifingjafylkið og vísar aðallega til námumanna, sem grófu sig inn í hæða- og fjallahlíðar í leit að blýi á fyrri hluta 19. aldar.  Auk ofangreindra borga má nefna, Green Bay, Racine og Kenasha.