Vestur-Virginía er eitt suðurfylkjanna  við Atlantshafsströnd BNA með Ohio og Pennsylvaníu í norðri, Maryland í norðaustri, Virginíu í suðri og austri og Kentucky og Ohio í vestri.  Potomac-áin myndar hluta norðausturmarkanna, Tug Fork- og Stóra-Sandá mynda næstum öll suðvesturmörkin og Ohio-áin vestur- og norðvesturmörkin.

Flatarmál fylkisins er 62.605 km² og það er í 41. stærðarsæti BNA.  Íbúafjöldinn 1997 var u.þ.b. 2 milljónir (3% negrar).

Vestur-Virginía varð 35. fylki BNA 20. júní 1863.  Það var hluti Virginíu fram að borgara/þrælastríðinu, þegar íbúar þess, sem voru hliðhollir Norðurríkjunum, stofnuðu sérstakt ríki eftir að Virginía varð hluti af Suðurríkjunum.  Efnahagurinn byggðist að mestu á landbúnaði fram á síðasta hluta 19. aldar, þegar námugröftur og iðnaður urðu veigameiri.  Í lok níunda áratugar 20. aldar var fylkið orðið stórframleiðandi biks, frummálma og efnavöru.  Gælunafn fylkisins er Fjallafylkið.  Helztu borgir þess eru Charleston (höfuðborgin), Huntington, Wheeling, Parkersburg og Morgantown.