Höfuðborgin er Oklahoma City og aðrar borgir m.a. Tulsa, Lawton, Norman og Midwest City.

Landbúnaður:  Hveiti, sorghum, maís, baðmull og jarðhnetur.  Mikil nautgriparækt.

Iðnaðurinn fer vaxandi:  Olíuhreinsun, matvæli, timbur, vélasmíði, samgöngutæki og málmvinnsla.

Jarðefni:  Olía, jarðgas, helíum, kol, sínk, blý, kopar og silfur.

Mikil ferðaþjónusta, stór stöðuvötn (vatnaíþróttir, fiskveiði og orlofsbyggðir).

Platt þjóðgarðurinn.

Andarko er indíánabær.  Þar er indíánasafnið Southern Plains.  Útisafnið Indian City-USA er 5 km sunnan bæjarins.  Þar er að finna þorp mismunandi ættkvísla indíána.
Lawton er landbúnaðarmiðstöð í suðvesturfylkinu.  Fort Sill hersvæðið er 6½ km norðan bæjarins.  Þar eru eldflaugar og skotpallar, Old Post National Historic Landmark (hersafn).  Gröf indíánahöfðingjans Geronimo er í indíánagrafreitnum.

Muskogee er meðalstór iðnaðarborg og setur opinbers umboðsmanns indíánaættkvíslanna Cherokee, Chickasaw, Choctaw, Creek og Seminole og indíánasafns.

Okmulgee (indíánaheiti = kraumandi vatn) er lítill bær, sem var höfuðborg creek-indíána á árunum 1868-1907.  Indíánasafn.

Stillwater er meðalstór borg, sem er setur Oklahomaháskóla (u.þ.b. 22.000 stúdentar).
Tahlequah er smábær, þar sem stjórnarskrá cherokeeþjóðarinnar var undirrituð árið 1839.  Fyrrum þinghús hennar (1867) en hýsir nú héraðsdómstólinn.  Fyrrum hæstiréttur cherokeeþjóðarinnar (1844) er nú stjórnsýslubygging.  Þjóðarfangelsi cherokee (1874) er enn þá fangelsi.  Skóli indíána er 8 km sunnan bæjarins.  Í útisafninu Tsa-La-Gi er endurbyggt indíánaþorp frá 17. öld.

Tulsa er iðnaðar- og verzlunarborg á miðju olíusvæði.  Þar er fjöldi menntastofnana og skemmtigarður.