Oklahoma er stjórnað í anda
stjórnarskrárinnar frá 1907. Æðsti embættismaður er
fylkisstjóri, sem er kosinn í almennum kosningum til 4 ára í
senn. Sami frambjóðandinn má þjóna í tvö kjörtímabil í röð,
ef hann nær kjöri. Aðrir kjörnir embættismenn eru
varafylkisstjóri, dómsmálaráðherra, fjármálaráðherra,
ríkisendurskoðandi, menntamálaráðherra og ráðherra verkalýðs-
og tryggingamála.
Þingið starfar í öldungadeild (48; 4 ár) og fulltrúadeild
(101; 2 ár). Fylkið á tvö sæti í öldungadeild og sex sæti í
fulltrúadeild sambandsþingsins í Washington DC og ræður
tveimur kjörmönnum í forsetakosningum.
Fylkið var eitt af höfuðvígjum demókrata fram á sjöunda
áratuginn. Síðan hefur lýðveldisflokkurinn komið öldungum á
sambandsþingið og í fylkisstjórastólinn. Allt fram á fimmta
áratuginn studdu kjörmenn fylkisins frambjóðendur demókrata
til forsetaembættisins en síðan hafa atkvæðin lent
lýðveldisflokksmegin. |