Nýja-Mexíkó er eitt fjallafylkja BNA.  Norðan þess er Colorado, Oklahoma og Texas í austri, Texas og Chihuahua í Mexíkó í suðri og Arizona í vestri.  Nýja-Mexíkó varð 47. fylki BNA 6. janúar 1912.  Flatarmál þess er 314.981 km² (5. stærsta fylki BNA).  Hæsti tindur þess er Wheeler Peak, 4011 m.  Íbúafjöldinn 1997 var u.þ.b. 1,3 milljónir (6% indíánar og 2% negrar).  Á tíunda áratugi 20. aldar var þjónustugeirinn orðinn aðalundirstaða efnahagslífsins (ferðaþjónusta þ.m.t.), þótt námugröftur, kvikfjárrækt og iðnaður vægju einnig þungt.  Ferðamenn hrífast einkum af fagurri náttúru og landslagi og ríkulegum spænskum og amerískum menningararfi fylkisins.  Svæðið norðan Mexíkó fékk nafnið Nuevo Mexico úr munni spænsks landkönnuðar, sem var þar á ferðinni eftir 1560.  Mexíkó er dregið af nafni stríðsguðs azteka, Mexitli.  Það var þýtt beint á ensku og svæðið gert að bandarísku héraði 1850 áður en það varð sérstakt fylki.  Það er einnig kallað Töfralandið.  Helztu borgirnar eru:  Santa Fe (höfuðborgin), Albuquerque, Las Cruces, Roswell, Farmington og Rio Rancho.