Nebraska er eitt miðnorðvesturfylkja BNA.  Norðan þess er Suður-Dakota, Iowa og Missouri í austri, Kansas í suðri, Colorado í suðvestri og Wyomong í vestri.  Missouriáin myndar austurlandamærin.  Nebraska varð 37. fylki BNA 1. marz 1867.  Flatarmál þess er 199.933 km² (15. stærsta fylki BNA).  Íbúafjöldinn 1997 var u.þ.b. 1,6 milljónir (3% negrar).   Það er þekkt landbúnaðarfylki.  Í kringum 1990 voru komnar fleiri stoðir undir efnahagslífið, aðallega byggðar á þjónustugreinum og iðnaði.  Gerald R. Ford, fyrrum forseti BNA, fæddist í Nebraska.  Nafnið er úr indíánamáli (sioua) og þýðir  lygnt eða breitt vatn með tilvísun í Platte-ána.  Helztu borgir þess eru Lincoln (höfuðborgin), Omaha, Grand Island, Bellevue og Kearney.