Nýja Jórvík er í samnefndu ríki er í 0-125 m hæð yfir sjó.  Íbúafjöldinn með útborgum er u.þ.b. 16 millj.

New York er stærsta borg BNA og mesta verzlunarborg heims.  Hún er við mynni Hudson- og Austurár.  Borgarhlutarnir eru fimm:  Manhattan, Bronx, Brooklyn (Kings), Queens og Richmond (Staten Island).  Borgin nær yfir 56 km frá norðri til suðurs og 30 km frá austri til vesturs.  Meðalhitinn í júlí er 25°C en 0°C í janúar.

Iroke indíánar (mohawk, oneida, onondaga, cayuga, seneca) bjuggu þar sem nú er New Yorkríkið og -borgin.  Giovanni da Verrazano, sendimaður Frakkakonungs, kom fyrstur Evrópu-manna þangað árið 1524 og ári síðar sigldi Esteban Gomez, Portúgali í þjónustur Karls V Spánarkonungs, upp Hudsonfljót.  Henry Hudson sigldi upp ána á vegum Hollenzka austurindíafélagsins árið 1609, alla leið til Albany eftir að hafa árangurslaust reynt að sigla norðausturleiðina.  Holllendingurinn Adriaen Block stofnaði til fyrstu byggðar á Manhattan árin 1613-14 og teiknaði kort af landinu umhverfis, sem hét þá Nýja-Holland.  Árið 1624 settust 30 vallónskar fjölskyldur þar að.  Peter Minnewit, fyrsti landstjóri Nýja-Hollands, keypti Manhattaneyju af indíánum (1626) fyrir vefnaðarvörur, glerperlur, tölur o.fl. skran, sem samsvaraði 60 gyllinum.  Hann lét reisa virkið Fort Amsterdam á suðuroddanum og nefndi hína 200 manna byggð Nýju-Amsterdam.  Íbúarnir lifðu af landbúnaði og viðskiptum við indíánana (skinna- og tóbaksverzlun).  Þar sem er nú Wall Street stóð áður stauraveggur til varnar bænum.

BANDARÍKI NORÐUR AMERÍKU